كيف توفق لشرائك سيارة جديدة

عندما تريد أن تشتري سيارة وقبل لا تضيع في حوسة الاستشارات ولخبطة الإقتراحات ودوشة الآراءات(أدري إنها أراء بس عشان لا يخرب السجع ) أعطيك طريقة لو طبقتها بحذافيرها(والحذافير هي جمع حذفور... والحذفور جمع حذفر... والحذفر ماأدري وش معناه)

المهم الوصايا التسع هي:
1-تأكد من ملاءمة السيارة لاستخداماتك
يعني أول شي حدد وش تبي من السيارة وش استعمالاتك(بر-مدينة-خطوط وسفر-كشخة ورزة-كرف-عائلة-شباب)
وركز على الضروريات ...واترك الكماليات إلى مرحلة أخرى
2-تأكد من ملاءمة(عاجبتني كلمة ملاءمة تحسسني أني مثقف ) السيارة لميزانيتك المرصودة
يعني واحد منتف ماعنده إلا 40 ألف(زي حالاتي) لا يفكر في سيارات قيمتها في الخمسين وإنت طالع وكما قال الشاعر(ورحم الله إمرىء عرف قدر فلوسه )
3-العملانية والاعتمادية ضرورة في سيارة المستقبل وموتر العمر
والقاعدة تقول:
خذ موتر يخدمك أكثر مما تخدمه
4-تأكد من انتشار السيارة المرغوبة
ليش؟
لأنك بتلقى قطع غيارها متوفر بشكل رهيب في المحلات والتشاليح
فلا تقلق من القشعات ولا تخاف من الصدمات
بس انتبه واركد وانا خوك... ترى مافيه قطع غيار للآدمي

4-تأكد من أن قطع الغيار مناسبة لدخلك (لا حظ قلت مناسبة للدخل ما قلت إنها رخيصة)
يعني ممكن تكون قطع الغيار غالية نوعا ما لكنها مناسبة لدخلك
فلا تسوي هذه عقبة تردك عن الموتر اللي تبيه
5-تأكد من أن سعرها عند البيع جيد
إلا إذا كنت مطنوخ وماهمك(والمطنوخ في اللغة هو من طنخ يطنخ طنخا أي لديه قروشا كثيرة )
6-تاكد من مظهرها العام بحيث يكون شكلها مقبولا
وهنا أريد أن أؤكد على نقطة بعض الناس ما يهتم فيها
الذوق نوعين:
ذوق عام
وهذا انتبه انك تخالفه مهما صار
ذوق خاص
يختلف من شخص لآخر
وهذا خالفه بيدينك ورجلينك أهم شي ذوقك انت الخاص
7-تأكد من وجود وكيل محترم(واذا بغيت اوفر عليك ترى مافيه وكيل محترم عندنا بس دور واحد أقلهم جشعا وقلة ذمة)
هذه وصايا إذا طبقتها تقدر تشتري سيارة بدون حتى ماتستشير احد
وأنا ناوي أطلعها في الكتاب أسميه
الوصايا السبع للأشخاص الأكثر فاعلية
أو يمكن أسميه :
الطماطم والخيارة... لمن نوى يشتري سيارة

يسلمووووووووووووووووووو
الموضوووووع حلوووووووو